Shiyo ke sardar hussain alvida

Noha

Shiyo ke sardar hussain alvida
Hussain alvida..
shiyo ke sardaar…Hussain alvida..

Taziya khano se aaj.. hote hai rukhsat imam
Sunte hai ranjo ta’aab..hote hai rukhsat imam
aakhri matam hai aaj..hote hai rukhsat imam
kehdo azadaar.. Hussain alvida..

The ye sakina ke bayn.. Haye chacha al’atash
Ayega kyu kar ke chayn.. Haye chacha al’atash
Khaimo mein hai shoro shayn.. Haye chacha al’atash
Sheh ke alamdaar..Hussain alvida..

Nehr pe shaane kate.. aaha alamdare shah
Paani na pohcha sake.. aaha alamdare shah
bachhe bhi pyase rahe.. aaha alamdare shah
fauj ke sardaar.. Hussain alvida..

Matami saff uth gayi.. Khatm moharram hua
koi na raunak rahi.. Khatm moharram hua
puri na hasrat hui.. Khatm moharram hua
roye azadaar.. Hussai alvida..

Khake sina margaya.. sheh ka wo kadiyal jawa’n
reti pe tadpa kiya.. sheh ka wo kadiyal jawa’n
paani na jisko mila.. sheh ka wo kadiyal jawa’n
rukhsat e dildaar.. Hussain alvida..

Mar gaye shah e huda.. Daswi moharram ko aah
qatl hue aqraba.. Daswi moharram ko aah
koi na baaqi raha.. Daswi moharram ko aah
aye mere ghumkhwaar.. Hussai alvida..

Kehte hai shia tamaam.. Haye hussain alvida
tashnalab o tashnakaam.. Haye hussain alvida
aye mere shah e anaam.. Haye hussain alvida
bekas o lachaar.. Hussain alvida..

Sheh ki na khidmat hui.. Kehti thi aksar yehi
hai meri qismat buri.. Kehti thi aksar yehi
jaayi na ab tak bani.. Kehti thi aksar yehi
kehti hai nachaar.. Hussain alvida

 

2 replies on “Shiyo ke sardar hussain alvida”

Leave a Reply

Your email address will not be published. Required fields are marked *