Yeh Boli Zainab e Muztar Ali Akbar Ali Akbar
Phupi hai tere nauhagar, Ali Akbar Ali Akbar

Kisi takleef ko Beta Phupi se kyun chupate ho
Yeh hai kyun haath seene par, Ali Akbar Ali Akbar

Tumhari laash par dil ko haram nauhakuna yun hai
Ke jaise ho koi mahshar Ali Akbar Ali Akbar

Tamanna thi mere dil me teri shaadi rachaoon gi
Basaoon gi main tera ghar, Ali Akbar Ali Akbar

Tumhari maut se ab to yakeen hone laga mujhko
Chine gi ab meri chadar, Ali Akbar Ali Akbar

Madine mein tera ahwaal kya usko batoongi
Jo pooche gi teri Khawar, Ali Akbar Ali Akbar

Mere Maajai ki tashnalabi ka haal kah dena
MileN jab Saaqi e Kausar, Ali Akbar Ali Akbar

Raza* Zainab ke naale aaj bhi aaten hain sehra se
Ali Akbar Ali Akbar, Ali Akbar Ali Akbar
Yeh Boli Zainab e Muztar Ali Akbar Ali Akbar