Subha Ka Tara Jhilmilata Hai
Dekhiyea kya Khuda dkhata hai

Kah rahen hain azaN Shabi e Rasool
Naam e Akbar hume rulata hai

Milta paani nahin wudu ke liye
Khaakh mooh par har eik lagata hai

Fauj e aada meiN tabal e jung baja
Ghaiz Abbas ko ab aata hai

Haath jaata hai tegh ke oopar
Aur Bal abroo par aaya jaata hai

Khatm kar ke namaaz Shah ne kaha
Dekhna Bhai kaun aata hai

Aaye aawaaz Hur hai ai Maula
Bhai ko aur Pisar ko laata hai

Jo khata ki hai us par nadim hai
Jod kar haath bakshwata hai

Shah ne Farmaya khair aane do
Bigdi taqdeer who banata hai

Haye afsoos Fatima ka Pisa
Laash har eik ki rann se lata hai

Subha Ashoor subha mahshar hai
Dekh kar humko rona aata hai

Dasht e Karbobala mein aafate khaiz
Zaher sabse ka phaila jaata hai

Bujh rahen hain chirageN aalam ke
Chand maghrib meiN dooba jaata hai

Mominoon Karbala meiN Shah e Hijab
Taate Rab meiN sar jhukata hai