shaheed zaher se hona to tha Hasan ke liye
bana tha Shimr ka khanjer ShAh’e zaman ke liye

hai tauq’e aaheni Sajjad’e khasta tAn ke liye
aur Ahle Bait ke baazu falak rasan ke liye

libaas’e Khuld jisey Eid mein diya haq ne
hazaar haif woh mohtaaj hai kafan ke liye

jawaan honEy na paaEy ke rUn meiN qatl huEy
thi kUmsini ki shahaadat bine Hasan ke liye

thEy Karbala mein sUd_afsoas, roaz’e Aashoorah
zamaane bhar ke masaaeb ShAhe zaman ke liye

Yazeed ke liye tO takht o taaj, kyuN aey cHarkh?
sAr’e Hussain hai darbaar mein lagan ke liye

jahaaN meiN Shiyon ka jAbtak geroah baaqi hai
alam raheiga, Alamdaar’e sAfshikan ke liye

Rasool’e paak jise cHoomte thEy rah rah kar
chaRi Yazeed ki hai, uss lUb o dahan ke liye

firaaq’e Panjetan’e paak mein sadaa roaeiN
hui thi khilqat’e gham Shaah ki bahen ke liye

jinhoN ne khalq mein pardey ki rAsm jaari ki
woh Ahle Bait haiN zaalim ki anjuman ke liye

hai Fikr* Hind meiN be_taab ya imam’e Raza
bula lo rauzaey aqdas pa Panjetan ke liye