Ro ke Zainab ne kaha Sibte Payambar Alwida

Ro ke Zainab ne kaha Sibte Payambar Alwida
Quaidkhane jaa rahiN hooN ai BiradaarAlvida

Rone bhi paaye na tumko uska dil pe daag hai
Ai mere bakas qateel e zer e khanjar Alwida

Hain bohut majboor bazoo bandh chuke qaidi bani
Dushmanon mein chhod ke jaati hai Khawar Alwida

TaaziyanoN ki sada se dil mein aisa khauf hai
Chupke chupke kah rahi hai dekho dukhtar Alwida

Is taraf to Zainab e Nashaad ke zer e shukan
Us taraf kahtin hain Bano mere Asghar Alwida

Dekhte ho khol ke aakhen na dete ho jawaab
Keh rahi hai kabse bali par yeh madar Alwida

Teer khaate hi kuch aisi mil gayi raahat tumhe,
Baaat bhi karte nahi kehti huN Dilbar Alwida

Gaisuoon waale ki mayyat par yeh Laila ne kaha,
Hum shabihe Mustufa naushaado Dilbar Alwida

Choti choti mayyate rann se uthakr boli maa,
Tujh par ho jau mai sadqe Aun o Jafar Alwida

Ek taraf bewa Hasan ki keh rhi hai peet kar,
Qasime gulpaerahan naushado dilbar Alwida