Mayaat Hasan Hussain Padar ki UthayeN hain
Ahle Madina khhak saroN par udaten hain

IkkeswiN ko ho gaye Maula Ali shaheed
Hum sab ishi liye Ghan e Haider manateN hain

KahtiN haiN eik eik se Kulsoom, kya karoon
Amma ki tarah chhod ke Baba bhi jaate hain

Gham ki siyah aandhiyan utthi haiN chaar soo
Aasar kayanaat ke phir dagmagate hain

Afsoos qatl kar diya Haider ko sajde mein
Zalim Khuda ke ghar ko bhi maqtal banate hain

Dekho ajeeb haal hai Ummal Baneen ka
Kaboo mein dil nahin hai, kadam dagmagate hain

Abbas bole MaaN se ke Baba se poochiyea
Yeh to batayeN kis par hame chhod jaate hain

Sadma hai Gibraeel ko poocheN na is qadar
Aaqa pe apne khoon ke aasoon bahateN hain

Lillah koi pooch le Zainab ke dil ka haal
Rah rah ke zakhm seene par nashtar chalate hain

Jaate hue janaze ko dekha toh ro padiN
Murghabiyon mein bain hai Razzaq jaateN hain

Daamad e Mustafa ka hai kya mominooN kusoor
Kyun ashkiya janaze par patthar chalate hain

Qismat hai jinki achchi wohi jaateN hain Najaf
Jo door hain who ashkoN ki chadar chadete hain

AasooN baha ke Shah par taskeen milti hai
Duniya ke gham Raza* mujhe jab bhi satateN hain