Laashe pa Murtuza ke thi Gibraeel ki fugaN
Haye haye shaheed ho gaye Maula e Do Jahan

Duniya Hasan Hussain ki andher ho gayi
Iss kamsini mein bachchoN pa toota hai aasmaan

Afsoos Maa ke baad meiN Baba guzar gaye
Asoo Lahoo ke Zainab e Muztar ke haiN rawaN

Sahde meiN sar hai khoon se musalla lahoo lahoo
Mari hai Rozadaar ke who zarbat e garaN

Laashe pa Murtuza ke thi Gibraeel ki fugaN
Haye haye shaheed ho gaye Maula e Do Jahan

Hoor o Malak hain, Abmbiya aur hai gham e Ali
Farsh e Aza e Murtuza lagta hai aasmaaN

EkkiswiN ko chhup gaya duniya ka aaftaab
Chaye hui hai chaar su zulmat ki badliyaN

Jisko Nabi ne apne Wasi ka diya khitaab
Dushman usi ka ho gaya Koofe ka musalmaaN

Laashe pa Murtuza ke thi Gibraeel ki fugaN
Haye haye shaheed ho gaye Maula e Do Jahan

AakhoN meiN ashk bhar ke yeh Abbas ne kaha
Humko akela chhod ke Baba gaye kahan

Sadme se ghash hai, Zainab e kulsoom pa tari
Rukti nahiN yeh dekh ke Fizza ki siskiyan

Laashe pa Murtuza ke thi Gibraeel ki fugaN
Haye haye shaheed ho gaye Maula e Do Jahan

Duniya se unka utth gaya afsoos eik raqeeb
HaiN Meesam o Miqdaar ke chehre Dhuan Dhuan

Patjhad ki zadd mein aa gaya sar sabz gulistan
Chhaye hai aise gulshan e Islaam par khizaN

Laashe pa Murtuza ke thi Gibraeel ki fugaN
Haye haye shaheed ho gaye Maula e Do Jahan

Gham ki siya aandhiyaN utthiN haiN chaar soo
Bawaqt e farz di hai muazzin ne jo azaan

Jaate hue janaze ko ghabra ke dekh kar
Apne saroN pa khaak udati haiN beteyaN

Laashe pa Murtuza ke thi Gibraeel ki fugaN
Haye haye shaheed ho gaye Maula e Do Ja han

KahteN hain ashk bah ke Raza* yeh Imaam se
Pursa qubool keejiyea ya Sahib uz ZamaN

Laashe pa Murtuza ke thi Gibraeel ki fugaN
Haye haye shaheed ho gaye Maula e Do Jahan