Kare Haal Zainab Bayan Kis Tarah Se
Husaini Luta Karwaan Kis Tarah Se

Kaha Ro Ke Sughra Se Zainab Ne Beti
Masayeb Uthaye Wahan Kis Tarah Se

Gazab Hai Ke Ek Shab Ki Bayahi Dulhan Ki
Badhayi Gayi Chooriya Kis Tarah Se

Alamdar Sheh Ka Sakina Ka Saqqa
Kate Uske Baazu Wahan Kis Tarah Se

Kaleje Pe Akbar Ke Barchhi Lagayi
Mita Haq Pa Kariyal Jawan Kis Tarah Se

Chhida Halqe Asghar Kataa Halqe Sarwar
Diye Sabr Ke Imtehaan Kis Tarah Se

Jalaye Gaye Asr e Ashur Khaime
Luta Sheh Ka Kunba Wahan Kis Tarah Se

Kiya Tera Baba Ka Besar Janaza
Bayan Ho Wahan Ka Samaan Kis Tarah Se

Kiya Qaid Aabid Ko Tauq O Rasan Mein
Pinhayi Gayi Beriya Kis Tarah Se

Gauhar Uske Chheene Tamache Laga Kar
Sakina Hui Neemjaan Kis Tarah Se

Sakina ne Bhi Qaid MeiN Saath Chhoda
Kiya Dafn Lasha Wahan Kis Tarah Se

Bas Ab khatm Taseer* Nauha Karo Tum
AzaaN Mein Hai Shor O Fuga Kis Tarah Se

Huye Dasht Me Imtehaan Kis Tarah Se
Chhupe Khaak Mein Naujwan Kis Tarah Se

Wo Ek Shab Ki Mohlat Wo Hurr e Dilawar
Zameen Se Mile Aasmaan Kis Tarah Se

Wo Daswi Moharram Thi Roze Qayamat
Mite Hashmi Naujawan Kis Tarah Se

Mere Dil Ke Tukde Wo Aun o Mohammad
Main Dhundhu Unhe Ab Kahan Kis Tarah Se

Hui Lash e Qasim Pamal Rann Mein
Khizan Khud Hui Nauhakhawan Kis Tarah Se

Na Puchho Jo Guzri Hai Ham Par Qayamat
Rasan Basta Thi Bibiyan Kis Tarah Se

Phiraya Gaya Shamo Kufa Mein Ham Ko
Falak Ne Liye Imtehaan Kis Tarah Se