Kahtin thi ro kar Zainab e dilgeer, Alwida
Aye Tashnakaam Kushtae Shamsheer, Alwida
Kahtin thi ro kar Zainab e dilgeer, Alwida

Bano yeh ro kar kahten thin nanhi si qabr par
Ai Mere laal Asghar e be-sheer, Alvida
Kahtin thi ro kar Zainab e dilgeer, Alwida

Laila ne ro kar furqat e Akbar mein yeh kaha
Allah ke Rasool ki Tasweer, Alwida
Kahtin thi ro kar Zainab e dilgeer, Alwida

Ai arz e Karbala, tujhe saunpa Hussain ko
Jaati hai ab watan ko yeh dilgeer, Alwida
Kahtin thi ro kar Zainab e dilgeer, Alwida

Akbar hain saath aur na Abbas e Naam-daar
Tanha chali watan teri Hamsheer, Alwida
Kahtin thi ro kar Zainab e dilgeer, Alwida

Zainab tadap ke roin to Qabr e Hussain se
Aaye sada ke ai meri Hamsheer, Alwida
Kahtin thi ro kar Zainab e dilgeer, Alwida

Jaa kar watan me ShiyoN ko kahna mera salaam
Bemaar mere Aabid e Dilgeer, Alwida
Kahtin thi ro kar Zainab e dilgeer, Alwida

Sun sun ke phat raha tha jigar, Nasir* e hazeeN
Ahl e Haram jo kahtey thay, Shabbir Alwida
Kahtin thi ro kar Zainab e dilgeer, Alwida