ImaaN ke ujaale haiN, Aashoor ki garmi hai
Shabbir ki qismat hai, aur goad ke paale haiN

ImaaN ke ujaale haiN, Aashoor ki garmi hai

YahaN dil taho baala hai, wahaN chayn ke laale haiN
Shabbir zaifee meiN Akbar ko sambhaale haiN

ImaaN ke ujaale haiN, Aashoor ki garmi hai

Jis tarha koi chaahe, ghar loot le pyaasoN ka
Jalti hui reiti par,sab chaahne waale haiN

ImaaN ke ujaale haiN, Aashoor ki garmi hai

Abid ko koi deikhe, darbar meiN Koofe ke
Beirdi ko uthaaey haiN, Zanjeer sambhaale haiN

ImaaN ke ujaale haiN, Aashoor ki garmi hai

Uljhaya tha Laila ne, suljhi hui zulfoN ko
Phir maut ne aey Akbar, bal geisuoN waale haiN

ImaaN ke ujaale haiN, Aashoor ki garmi hai

Deikho to Ali Asghar, aaghosh meiN Baba ki
Kya kaaNpte haatoN se Ummat ko sambhaale haiN

ImaaN ke ujaale haiN, Aashoor ki garmi hai

Be’faiz zamaane se, kya unko gharaz koi
Ab Qabr ki duniya ke Shabbir ujaale haiN

ImaaN ke ujaale haiN, Aashoor ki garmi hai