Haye Ye Bachi kaun hai
Yeh to Sakina lagti hai,
Chhaye hai jis per bebasi
Yeh to Sakina lagti hai,

Aati hai Maqtal ki taraf,
Dekha hai kyon soo-e-Najaf,
Kya iska Dada Hai Ali,
Yeh to Sakina lagti hai,

Aati hai Jo Rooti howi,
Sadmon sey jaan khooti howi,
Padthi howi Nad-e-Ali,
Yeh to Sakina lagti hai,

Kyon roo key jaan deyti hai yeh,
Kyon siskiyan leyti hai yeh,
Kya mar gaya is ka koi,
Yeh to Sakina lagti hai,

Kano sey kio khoon hai rawa,
uff yeh tamachon ke nishan,
yeh zulm aur yeh kamsini,
Yeh to Sakina lagti hai,

Kausar* Yeh maqtal ki faza,
Tadpa rahi hai dil mera,
Taari hai gham ki teergi,
Yeh to Sakina lagti hai,