diya zahr ibne Ali un Naqi ko
janaab’e Imam e Hasan Askari ko

rakha qaid meiN Moatamid ne hameisha
na syyed pa aaya taras uss shaqi ko

darindoN ko jis ghar meiN paala gaya tha
bula kar wahaaN bheija Ibne Ali ko

namaaz aapne uss jagah jab adaa ki
kiye sajde un mooziyoN ne wali ko

nikal aaey paRhkar namaaz aap lekin
na maana imam e Zaman muttaqi ko

rawayat meiN tahreer hai Moatamid ne
diya sharbat’e sAm waseeye Nabi ko

jise peete hi zahr phaila jasad mein
raha teen din karb Ibne Ali ko

thi woh maah’e suyyum ki taareekh hashtum
chupaaya tahey khaak haq ke wali ko

tha sAn do sau aur saath hijri woh aey Fikr*
diya sAb ne pursa Ali aur Nabi ko