Chhut ke Ab na phir Akbar mileinge
Kah rahi hai Shah ki Himmat toot ke
Chhut ke ab na phir Akbar mileinge

Fikr kahe ki hai ai Akbar tumhe
Qaid mil jaye gi Maa se choot ke
Chhut ke ab na phir Akbar mileinge

Boli Laila jato hai Akbar kahan
Mere dil ki hasratoN ko loot ke
Chhut ke ab na phir Akbar mileinge

Jab shabab aaya to Akbar mar gaye
Rah gaya maa baap ka dil toot ke
Chhut ke ab na phir Akbar mileinge

So raha hai qabr par Laila ka chand
Kahten hai ratoN ko taare toot ke
Chhut ke ab na phir Akbar mileinge

Mar gaye saahil pa Abbas e Ali
Kah diya Shak se kamar ne toot ke
Chhut ke ab na phir Akbar mileinge

Fauj walon ghar ujad kar rah gaya
Kya mila nannha sa jhoola loot ke
Chhut ke ab na phir Akbar mileinge

Jald sun lo Fatema ki aarzoo
Dil Tapa hai toot ke Moula toot ke
Chhut ke ab na phir Akbar mileinge