Andhera ho chuka Baba, abhi tak kyuN nahi aaye
Kidhar ab ai Phupi Amma, Sakina dhoondne jaye
Andhera ho chuka Baba, abhi tak kyuN nahi aaye

Mere Bhai ka eik jhoola tha, woh bhi le gaye zalim
Sakina yaad se Asghar ki dil ko kaise bahlaye
Andhera ho chuka Baba, abhi tak kyuN nahi aaye

Mere Nannhe Siphayi ko, batao kya hua Baba
SitamgaroN ne le ja kar, kahan Asghar ko choda hai
Andhera ho chuka Baba, abhi tak kyuN nahi aaye

Koi zulm o sitam ki is jahan meiN hadd bhi hoti hai
Woh eeza hai ke ai Baba, kaleja mooh ko aa jaye
Andhera ho chuka Baba, abhi tak kyuN na hi aaye

Parinde apne apne ghar ki janib laut jaateN haiN
Hua kya hai Tumhe Baba, Tum ab tak kyuN nahi aaye
Andhera ho chuka Baba, abhi tak kyuN nahi aaye

Na takiya hai, na zaanu hai, na bistar hai, na chadar hai
Sulaoo aa ke seene par Sakeena ko to neend aaye
Andhera ho chuka Baba, abhi tak kyuN nahi aaye

Sakina kis tarhaN NASIR*, Padar ki Laash tak pouchi
Khuda Jaane lipat kar Baap se kya bain farmaye
Andhera ho chuka Baba, abhi tak kyuN nahi aaye