adu ki fauj meiN qatl’e Shahe be_kas ka saamaaN hai
hamaara syed o aaqa faqat ek shAb ka mehmaaN hai

mili hai mohlat ek shAb ki jo aada se ibaadat ki
tO sUrf’e ta’atey Ma’abood hAr ek ba_dilo jaaN hai

isi shAb naaseroN ko jam’a karke Shaahe waala ne
kaha sAb se saher ko qatl ka meire tO saamaaN hai

tumhaari gardanoN se apni baiyat maiN uthaata hooN
jidhar chaahe chaley jaao, tumhaara haq nigehbaaN hai

kaha yeh hAr jaree ne gir ke qadmoN pAr Shahey deeN ke
nahiN chooteiga daaman hUm se jab tak jism meiN jaaN hai

khudaara hUm ghulaamoN ko na qadmoN se juda keeje
fida ho jaaeiN hUm sAb aap per yeh dil meiN armaaN hai

sAn iksath, jumey ki raat aur sannaate ka woh aalam
hai taareeki zamaane bhar meiN, zulf’e shab pareishaaN hai

bula lo Karbala meiN Fikr* ko aey Syed’e waala
waheeN ki sArzameeN par qabr ho, yeh dil meiN armaaN hai