Abbas ke Lashe pa yeh Shabbir pukare,
Uttho mere Bhai
Hum khaime se yahn aaye hain lene ko tumhare,
Uttho mere Bhai

Peeri ka saath chhin gaya hum go gaye be-aas,
Koi na raha paas
Maan jaao tum hi ai meri peeri ke sahare
Uttho mere Bhai

Kya yeh bhi koyi mohabbat ka hai andaaz
Hai aashiqu-e-jaanbaaz
Daryia ko to keh kar gaye Kausar ko sidhare
Uttho mere Bhai

Tum Bali Sakina ke liye laye na paani,
woh roti hai jaani
Bacchi ki zabaan dekho aur Asghar ke ishare
Uttho mere Bhai

Qurban huye mashk pe tum jaan-e-biradar
Lekin mere safdar
Tum arsh-e-wafa ke ho chamakte huwe taare
Uttho mere Bhai

Dharas thi bari sub-ko, khayaal iska to karte
Ghurbat mein na marte
Tum jeete magar hum bhi to himmat nahi hare
Uttho mere Bhai

Cheene ge redha Zainab-o-Kulsoom ki asraat
Yeh ghaazi o jallad
Hum chhod ke ab jaye unhe kis-ke sahare
Uttho mere Bhai

Kehte the Wazir* aha yeh jab Shah-e-do-alam
Ek hashr tha parham
Tum muj-se zaefee me juda ho gaye pyaree
Uttho mere Bhai

Abbas ke Lashe pa yeh Shabbir pukare,
Uttho mere Bhai