Nok e naiza par Shah e Mazloom ka sar le cha lo
Shimr bola Qaidiyon ko ahle lashkar le chalo

Soo e dariya dekh kar Zainab yahi kartiN thiN bayan
Qafila loota chala, Salaar e Lashkar le chalo
Shimr bola Qaidiyon ko ahle lashkar le chalo

ZalimoN aale Payambar eik rasan bara gale
Yuh na looto yuh na khaicho yuh na dar dar le chalo
Shimr bola Qaidiyon ko ahle lashkar le chalo

Pani pani ki sada goonji to yuh boli wafa
Kuch bhi ho Abbas jaldo mashk bhar kar le chalo
Shimr bola Qaidiyon ko ahle lashkar le chalo

Furkhat e Besheer meiN ro ro ke kahtiN thiN Rabaab
Uth ke Dukhiya Maa ko apne saath Asghar le chalo
Shimr bola Qaidiyon ko ahle lashkar le chalo

AadiyaN Akbar ne ragdiN pyaas mein kha kar sina
Ya Ali utth kar Najaf se Jaam e Kausar le chalo
Shimr bola Qaidiyon ko ahle lashkar le chalo

Goad mein le kar Sar e Sarwar Sakina ne kaha
Quaid se Baba chhuda kar ab mujhe ghar le chalo
Shimr bola Qaidiyon ko ahle lashkar le chalo

Jab padha Sughra ka khat ro ro ke Sarwar ne kaha
Kaun hai baki kise likhti ho aa kar le chalo
Shimr bola Qaidiyon ko ahle lashka r le chalo

Zindigi ka maah asal hai majlisoN mein ashq e gham
Apni bakshish ke liyea Nasir* yeh gauhar le chalo.
Shimr bola Qaidiyon ko ahle lashkar le chalo