Muslim ne kaha kufiyo itna na rulaao

Muslim Ne kaha kufiyo itna Na rulaao, Khanjar Na chalaao
MehmaaN Huñ tumhara Mera dil tum Na dukhaao, Khanjar Na chalaao
Muslim Ne kaha kufiyo itna Na rulaao, Khanjar Na chalaao

Tum logoN ke bulwaane pa bheje mujhe Shabbeer, Ba Haalat e tagh’eer
Aye zalimo mehmaan Ko itna Na rulaao, patthar Na lagaao
Muslim Ne kaha kufiyo itna Na rulaao, Khanjar Na chalaao

Dekho lehed e Paak se nikle haiñ payambar, Zahra haiñ khule sar
Tum ummat e Ahmed Ko Zara dhyaan me laao, itna Na rulaao
Muslim Ne kaha kufiyo itna Na rulaao, Khanjar Na chalaao

Wou dekho Ali sar pa haiñ khaak Apne udhaate, ro ro ke sunaate
Be Jurm Na aye kufiyo mehmaaN Ko sataao, bekas Ko bachaao
Muslim Ne kaha kufiyo itna Na rulaao, Khanjar Na chalaao

Zakhmo se badan choor Hai Aur zauf Hai taari, khooN muNh se hai jaari
Ab behr e payambar mujhe paani tou pilaao, Aur pyaas b ujhaao
Muslim Ne kaha kufiyo itna Na rulaao, Khanjar Na chalaao

YaaN kaun Hai tum me se madeene Ko Jo jaae, maula Ko sunaae
Ab Apna qadam aye mere aaqa Na badhaao, kufe Ko Na aao
Muslim Ne kaha kufiyo itna Na rulaao, Khanjar Na chalaao

Lo aaj Mera khatema bil khaer Hai hazrat, hota Huñ Maiñ rukhsat
Ab Mera salaam Ehle madeena Ko sunaao, sab haal bataao
Muslim Ne kaha kufiyo itna Na rulaao, Khanjar Na chalaao

Yeh aapka ‘Hamid’ Hai bohot muztar O hairaaN, Ya Syed e zeeshaN
Rauze pa use aapke ab jald bula ao, zair tou banaao
Muslim Ne kaha kufiyo itna Na rulaao, Khanjar Na chalaao