matami fazayein hai aansuon ka toofan hai
dastak-e-ajal sun kar zindagi hirasa hai
har taraf udaasi hai har nigah veraan hai
aur masjid-e-kufa farte gham se larza hai
matami fazayein hai aansuon ka toofan hai
aaj gir gaya hoga phir ghilaaf Kaabe se
beh raha hai khoon payham Shah ke amamay se
zakhme farq-e-haider ka ab Khuda nigehban hai
matami fazayein hai aansuon ka toofan hai
zakhm itna kaari hai chal na paogay Maula
ghar bhi jald jaana hai aagayi geleem aaqa
dar pe muntazir Zainab muztar-o-pareshan hai
matami fazayein hai aansuon ka toofan hai
fikr-e-karbala may gum hai Ali sar-e-bistar
ghAliban nigahon may hai koi tah-e-khanjar
dekh kar suye Abbas chashm-e-Shah giryaan hai
matami fazayein hai aansuon ka toofan hai
hai girya kuna Kufay be-pidar hui Zainab
aaj ghar ke aangan may nangay sar hui Zainab
kal jo honay wala hai aaj say numayaa hai
matami fazayein hai aansuon ka toofan hai
itrat-e-Payambar par saazisho ke ghayray hai
bujh gaya chiraagh aakhir har taraf andheray hai
chandgaam par shahid karbala ka maidan hai
matami fazayein hai aansuon ka toofan hai