Is Alam Ko Uncha Rakhna Hai

Ali Jee

Mola Abbas Ya Abbas, Ya Abbas, Ya Abbas

Yaadgar e Karbala Hai Ye Alam Abbas Ka
Aj Bhi Lehra Raha Hai Ye Alam Abbas Ka

Ae Sher e Nayastan e Haider
Teri Yaad Ko Zinda Rakhna Hai
Is Alam Ko Uncha Rakhna Hai

Mola Abbas Ya Abbas, Ya Abbas, Ya Abbas

Ap Dikhlate Ho Dunya Ko Wafa Ka Rasta
Ap Bulwate Ho Ghazi Zairon Ko Karbala
Ap Milwate Ho Shah e Karbala Se Ba Khuda
Ham Sab Ka Wasila, Ya Abbas
Ham Sab Ka Wazeefa, Ya Abbas
Ham Sab Ka Wasila, Sab Ka Wazeefa
Sab Ne Dil Se Mana Hai
Is Alam Ko Uncha Rakhna Hai

Ali Ke Noor e Aain
Umul Baneen Ke Chain
Ayi Jan e Hussain
Teri Yaad Ko Zinda Rakhna Hai
Is Alam Ko Uncha Rakhna Hai

Mola Abbas Ya Abbas, Ya Abbas, Ya Abbas

Ye Khuda Ka Hai Wasila Sab Ka Pyara Hai Alam
Gham Zada Logon Ka Dunya Main Sahara Hai Alam
Ba Khuda Hai Naaz Ham Ko Ye Hamara Hai Alam
Jo Alam Pe Aaya, Ya Abbas
Jo Manga Wo Paya, Ya Abbas
Jo Alam Pe Aaya, Manga Wo Paya
Alam Pe Jate Rehna Hai
Is Alam Ko Uncha Rakhna Hai

Ae Sher e Nayastan e Haider
Teri Yaad Ko Zinda Rakhna Hai
Is Alam Ko Uncha Rakhna Hai

Mola Abbas Ya Abbas, Ya Abbas, Ya Abbas

Aaj Charcha Hai Jahan Main Jabaja Abbas Ka
Aaj Har Bazm e Wafa Main Tazkira Abbas ka
Ba Khuda Har Qaum Main Har Ba Wafa Abbas Ka
Har Dil Main Hai Rehta, Ya Abbas
Dharkan Main Dharkta, Ya Abbas
Har Dil Main Hai Rehta Dil Main Dharkta
Dil Main Hamare Rehna Hai

Is Alam Ko Uncha Rakhna Hai

Be Chain Hai Kiun
Be Taab Hai Kiun
Kiun Dil Par Apne Booj Liye
Chup Chap Ghamo Ko Sehta Hai
Tu Pursa Dar Hai Ghazi Ka
Chal Aj Alam Par Chalte Hain
Abbas Wasila Hai Rab Ka
Abbas Se Keh Jo Kehna Hai
Ye Alam Hai Mola Ghazi Ka
Yahan Rab Ki Rizain, Milti Hain
Yahan Chodan (14) Shifain, Milti Hain
Yahan Baran (12) Adain, Milti Hain
Yahan Panch (5) Panahain, Milti Hain
Bas Sath Alam Ke Rehna Hai

Jab Alam Hai Sath To Samjho Alam Wala Bhi Hai
Jab Alam Wala Hai To Samjho Shah e Wala Bhi Hai
Sath Hai Bibi Sakina Or Mashqeeza Bhi hai
Ye Alam Jahan Hai, Ya Abbas
Han, Mera Chain Wahan Hai, Ya Abbas
Ye Alam Jahan Hai Chain Wahan Hai
Sath Isi Ke Chalna Hai
Is Alam Ko Uncha Rakhna Hai

Ali Ke Noor e Aain
Umul Baneen Ke Chain
Ayi Jan e Hussain
Teri Yaad Ko Zinda Rakhna Hai
Is Alam Ko Uncha Rakhna Hai

Mola Abbas Ya Abbas, Ya Abbas, Ya Abbas

Arre Loot Kar Darya Se Jab Aaya Na Ghazi Ba Wafa
Zainab O Kulsoom Ne Di Wa Hijaba Ki Sada
Dekh Kar Khali Alam Abbas Ka Matam Huwa
Zainab Ne Pukara, Ya Abbas
Wada Hai Hamara, Ya Abbas
Zainab Ne Pukara Wada Hamara
Alam Ye Ghar Ghar Sajna Hai
Is Alam Ko Uncha Rakhna Hai

Ae Sher e Nayastan e Haider
Teri Yaad Ko Zinda Rakhna Hai
Is Alam Ko Uncha Rakhna Hai

Mola Abbas Ya Abbas, Ya Abbas, Ya Abbas

Mere Sath Hai, Mere Sath Hai
Ye Alam Hamesha Sath Hai

Mera Chain Hai Sakoon Hai
Meri Rahat Ye Alam
Mera Sayeban Mera Pasban
Meri Chahat Ye Alam

Mere Sath Hai, Mere Sath Hai

Main Chalon Kahin, Mere Sath Hai
Main Rahon Kahin, Mere Sath Hai
Main Chalon Kahin Main Rahon Kahin
Har Raste Par Har Mod Par
Ye Alam Hamesha Sath Hai

Leave a Reply

Your email address will not be published. Required fields are marked *