Dil ko Gham e Sarwar ke siwa kaam nahiN hai

Dil ko Gham e Sarwar ke siwa kaam nahiN hai
Is dard se badh kar koi aaraam nahiN hai
Dil ko Gham e Sarwar ke siwa kaam nahiN hai

Din bhar meiN hamesha ke liya kar diya zinda
Shabbir ka ejaaz hai Islaam nahiN hai
Dil ko Gham e Sarwar ke siwa kaam nahiN hai

Masghool e dua haiN Shah e wala tahe khanjar
HotooN par shikayat ka kahin naam nahiN hai
Dil ko Gham e Sarwar ke siwa kaam nahiN hai

Kahte thay nishane pe yeh Besheer ke tewar
Duniya na ulat dooN toh mera naam nahiN hai
Dil ko Gham e Sarwar ke siwa kaam nahiN hai

Islam ki aagosh meiN aa jaye gi duniya
Faize ghame Shabbir abhi aam nahiN hai
Dil ko Gham e Sarwar ke siwa kaam nahiN hai

Qurbaan Sarosh* iss dil e Sarshaar e Wafa ke
Aisa lab e kausar bhi koi jaam nahiN nai
Dil ko Gham e Sarwar ke siwa kaam nahiN hai

Dil ko Gham e Sarwar ke siwa kaam nahiN hai
Is dard se badh kar koi aaraam nahiN hai
Dil ko Gham e Sarwar ke siwa kaam nahiN hai