Akbar Ne Sina Khai Hai Unko Na Batana
Baba Phuphi Amma Se Mera Zakhm Chupana
————————————–
Kis Tarhan Se Dekhein Gi Wo Hum Donon Ki Ghurbat
Wo Roye To Aa Jaye Gi Khaimo Main Qayamat
Main Zakhm Chupa Leta Hoon Tum Ansoon Chupana
Baba Phuphi Amma Se Mera Zakhm Chupana
————————————–
Tasweer e Muhammad Hai bade Nazo Se Paali
Mar Jaye Na Khaimo Main Meri Palny Wali
Har Giz Ye Mera Hath Na Seeny Se Hatana
Baba Phuphi Amma Se Mera Zakhm Chupana
————————————–
Mari Hai Sina Seny Pe Ye Keh Ke Laeen Ne
Phoolon Ki Tarhan Pala Hai Akbar Ko Phuphi Ne
Lashy Pe Abaa Kahimoon Se Pehle Hi Udha Na
Baba Phuphi Amma Se Mera Zakhm Chupana
————————————–
Is Baar Shahadat Ko Utha Le Gi Imamat
Bhai Se Chupana Nahi Ek Bhai Ki Ghurbat
Sajjad Ko Tafseel Shahadat Ki Suna Na
Baba Phuphi Amma Se Mera Zakhm Chupana
————————————–
Mamta Unhein Lashy Pe Mere Laye Gi Baba
Be Sakhta Wo Mujh Se Lipat Jaye Gi Baba
Mumkin Ho Tu Lashy Se Unhein Door Hatana
Baba Phuphi Amma Se Mera Zakhm Chupana
————————————–
Ju Khak Bhari Hai Mere Balon Se Chura Do
Chehre Pe Laho Hai Mere Daman Se Hata Do
Wo Zidd Ju Zyada Kary Bas Chehra Dekhana
Baba Phuphi Amma Se Mera Zakhm Chupana
————————————–
Yoon Naiza Sitam Gaar Ne Mara Mere Baba
Pehlo Bhi Shikasta Hai Hamara Mere Baba
Yaad Aay Ga Dadi Ka Unhein Zakhm Purana
Baba Phupi Amma Se Mera Zakhm Chupana
————————————–
Is Haal Main De Sabr Khuda Bint E Ali Ko
Akbar Ka Salam Akhri Keh Dena Phuphi Ko
Zinda Bara Mushkil Hai Mera Khaimy Main Jana
Baba Phuphi Amma Se Mera Zakhm Chupana
————————————–
Har Baat Meri Apki Behnon Ke Liye Hai
Bas Ek Wasiyat Hai Meri Sughra Ke Liye Hai
Laa Kar Khat E Sughra Mere Lashy Pe Sunana
Baba Phuphi Amma Se Mera Zakhm Chupana
————————————–
Dam Todte Akbar Ko Na Pohanchy Koi Sadma
Muh Pher ke Yoon Rote Ho Maloom Hai Baba
Par Samny Sadaat ke Ansoon Na Bahana
Baba Phuphi Amma Se Mera Zakhm Chupana
————————————–
Hayeee Us Akhri Hichki Me Taqallum Hoa Mehshar
Ary Akbar Ne Kaha Hath Ju Peshani Pe Rakh Kar
Loo Hum Ko Ijazat Do Hamy Door Hai Jana
Baba Phuphi Amma Se Mera Zakhm Chupana