Aye Nehar-e-Alqama

Aye Nehar-e-Alqama, Aye Nehar-e-Alqama

Aaj Bhi Iss Bekasi Par Ro Rahi Hai Karbala
Alqama Behti Rahi aur Qafila Pyasa Raha
Aye Nehar-e-Alqama, Aye Nehar-e-Alqama

Pyasa Tha Tere Samne Kunba Rasool Ka
Aye Nehar-e-Alqama, Aye Nehar-e-Alqama

Aye Nehar-e-Alqama Tera Mehman Tha Hussain
Kyun Tere Pas Reh Ke Bhi, Oss Ko Mila Na Chain
Tujh Se Hai Yeh Gila, Aye Nehar-e-Alqama
Pyasa Tha Tere Samne Kunba Rasool Ka
Aye Nehar-e-Alqama, Aye Nehar-e-Alqama

Khaimay They Ahl-e-Bait Ke Kitne Tere Qareeb
Pyasay Hi Tere Samne, Woh Mar Gaye Ghareeb
Roti Thi Karbala, Aye Nehar-e-Alqama
Aaj Bhi Iss Bekasi Par Ro Rahi Hai Karbala
Alqama Behti Rahi aur Qafila Pyasa Raha

Mashkeza Jis Ke Hath Mein Tha Doosh Par Alam
Sahil Pe Tere Aaye They, Abbas Ke Qadam
Rutba Tujhe Mila, Aye Nehar-e-Alqama
Pyasa Tha Tere Samne Kunba Rasool Ka
Aye Nehar-e-Alqama, Aye Nehar-e-Alqama

Sokhi Pari Thi Mashk-e-Sakina Tarai Mein
Do Bond Pani Kya Na Tha, Sari Khudai Mein
Haye Tu Ne Yeh Kya Kiya, Aye Nehar-e-Alqama
Aaj Bhi Iss Bekasi Par Ro Rahi Hai Karbala
Alqama Behti Rahi aur Qafila Pyasa Raha

Ik Bekasi Si Ahl-e-Haram Par Tamam Thi
Kitni Udas Sham-e-Ghareebaan Ki Sham Thi
Aye Wa Musibata, Aye Nehar-e-Alqama
Pyasa Tha Tere Samne Kunba Rasool Ka
Aye Nehar-e-Alqama, Aye Nehar-e-Alqama

Nohon Mein Hain Jo Tazkira-e-Alqama Hilal
Charon Taraf Hai Aaj Bhi Ik Matam-e-Malal
Jari Hai Yeh Aza Aye Nehar-e-Alqama
Aaj Bhi Iss Bekasi Par Ro Rahi Hai Karbala
Alqama Behti Rahi aur Qafila Pyasa Raha