Kahtin thin Baano Shab e Ashoor – Asghar soo rahoo

Kahtin thin Baano Shab e Ashoor – Asghar soo raho
Raar bhar ki zindagi hai, aao Dilbar soo raho

Aaj ki shab aakhri hai, aao lipta loon gale
Kal to khali goad ho ga pahloo e Maadar, soo raho

Ho abhi kamsin abhi darna na shab ko ai meri jaan
Lein ge jangal me khabar ai Laal Sarwar soo raho

Aao lipta loon kaleje se tumhe jee bhar ke aaj
Kal se to soo ge to Baba paas dilbar soo raho

Kis tarah dil ko sambhale madar e khasta jigar
Dasht e tanhaye mein honge kal se Asghar soo raho

Sabr kyukar aayega ai Lal Tumse choot kar
Phir na Maan ke paas tum aao ge Asghar soo raho

Kal zameen e Karbala ki khaakh mein mil jaao ge
Aaj ki shab ghamzada Maan se lipat kar soo raho

Kahtin thin Baano Shab e Ashoor – Asghar soo raho