Koi misl e Shah e deen ho to aaye
Zaefee mein jawaan ka daag uthaye
Uthi tareef ko har mauj e darya
Sar e sahil ko yuh Abbas aaye
Koi misl e Shah e deen ho to aaye
Are logon mera Naushah aaya
Lahu ki haath me mehdi lagaye
Koi misl e Shah e deen ho to aaye
Kaleja thaam kar chillaye madar
Shah e Deen laash e Qasim jo laye
Koi misl e Shah e deen ho to aaye
Kaho baheno se aachal sar par dalen
Koi Naushah ki masnat bichaye
Koi misl e Shah e deen ho to aaye
Rukh e Qasim se sehre ko hata do
Dulhan aati hai ghoonghat ko hataye
Koi misl e Shah e deen ho to aaye
Jo dehki laash Akbar ki to maan ne
Alam se chhod ke chille badhaye
Koi misl e Shah e deen ho to aaye
Kaha bano ne Asghar tum kahan ho
Yeh madar ab kise jhoola jhoolaye
Koi misl e Shah e deen ho to aaye
Are besheer ki koi khabar la
Mera baccha lahed me dar na jaaye
Koi misl e Shah e deen ho to aaye
Arey ai mere ghairatdaar Bhaiyya
Bahen be pardsa bazaarooN mein jaye
Koi misl e Shah e deen ho to aaye
Chali aandhi Falak se khoon barsa
Shah e Bekas lahu mein jab nahaye
Koi misl e Shah e deen ho to aaye
Arey yeh kya sitam hai ai laeeno
Bahen bhaye par rone bhi na paaye
Koi misl e Shah e deen ho to aaye
Ruka beemaar jab thak kar kahin par
Laeen ne pusht par durre lagaye
Koi misl e Shah e deen ho to aaye
Samajh lo Ashq* Jannat hai usi ki
Gham e Sarwar mein jo asoo bahaye
Koi misl e Shah e deen ho to aaye