Zeir e lab log hameiN Panjetani kahte haiN
Hum isey faiz e wilaaey Hasani kahte haiN

Jab se deikha hai dar e Aale Mohammed pa mujhe
Ahle duniya mujhey qismat ka dhani kahte haiN

Madhe Maula rahi, Misam ki zabaN katTi rahi
Aise deewane ko hum Panjetani kahte haiN

Maankar Khum meiN Ali ko nahiN maana Maula
Aur kis cheez ko wada -shikani kahte haiN

Qatraey ashk e Aza ko paey qalbe dushman
Jo samajhdaar haiN heere ki kani kahte haiN

Istilaahe rahe mazloomi ko ab samjhe haiN loag
Ashk baari ko bhi naawa shikani kahte haiN

Ahle daanish ke aqaaed ki Khuda khayr karey
Yeh to duniya ke faqeeroN ko Ghani kahte haiN

Iss liye Khuld se Mahir* hai mohabbat humko
Juzve Imaan hai, Hubbul -Watani kahte haiN

Hashr meiN deikhoge qeemat to yaqeeN aaeiga
Ashke khooneeN ko bhi laale Yamani kahte haiN