Tha Sughra Ka Nala Bohat Din Huey
Koi bhi na lauta, Bohat din huey
Tha Sughra Ka Nala Bohat Din Huey

Kabhi yeh mera ghar bhi aabaad tha
Sabhi kuch tha achcha bohat din huey
Tha Sughra Ka Nala Bohat Din Huey

Bahalti thi Asghar ko bahela ke main
Jhula thi jhoola bohat din huey
Tha Sughra Ka Nala Bohat Din Huey

Na koi khabar lene aaya meri
Na khat koi bheja bohat din huey
Tha Sughra Ka Nala Bohat Din Huey

Na awaaz koi na aahat koi
Hai ghar jaise sahera bohat din huey
Tha Sughra Ka Nala Bohat Din Huey

Juda ho gaye chaand-sooraj mere
Tha ghar mein ujaala bohat din huey
Tha Sughra Ka Nala Bohat Din Huey

Tassawur mein soocha woh mere paas hai
Magar main hoon tanaah bohut din huey
Tha Sughra Ka Nala Bohat Din Huey

Na taroon se ghar mein hui raushni
Na sooraj hi nikla bohat din huey
Tha Sughra Ka Nala Bohat Din Huey

Satati hai mujhko yeh tanhaiyan
Mujhe sab ne chhoda bohat din huey
Tha Sughra Ka Nala Bohat Din Huey

Yeh sab jaante hain mai beemar hoon
Magar kaun aaya bohat din huey
Tha Sughra Ka Nala Bohat Din Huey

Andherey hamaara muqqadar baney
Na dekha sawera bohat din huey
Tha Sughra Ka Nala Bohat Din Huey

Judayi ke gham mein lahoo ban gaya
In aakhon ka dariya bohat din huey
Tha Sughra Ka Nala Bohat Din Huey

Kabhi to sab aayen ge iss aas mein
Abhi tak hoon zinda bohat din huey
Tha Sughra Ka Nala Bohat Din Huey

Khuda jane waley salaamat rahen
Safar mein hai kunba bohut din huey
Tha Sughra Ka Nala Bohat Din Huey

Suroor* uska khat aaj bhi yaad hai
Bas itna likha tha bohut din huey