Shabbeer ki haalat par khooN dil ka bahana hai
Mazaloom e Bekas ka purard fasaana hai
Shabbeer ki haalat par khoo dil ka bahana hai

Abbas-E-Dilaavar ke gham ne To kamar todi
Us par abhi Akabar ki mayyat bhi uṭhaana hai
Shabbeer ki haalat par khooN dil ka bahana hai

Baiṭhe hue Zainab se farama raheN haiN Maula.
Aṭṭhaarah AzaeezoN ki saf tumko bichana hai
Shabbeer ki haalat par khooN dil ka bahana hai

Jis waqt tahay khanjar mai hoon ga sare maqtal
Baalee pa Meri tumako rote hue aana hai
Shabbeer ki haalat par khooN dil ka bahana hai

Be gor o kafan laasha phir dekh ke maidaan mein
Chaadar meri mayyat par ashkoN ki uḍhanaa hai
Shabbeer ki haalat par khooN dil ka bahana hai

Sab goad ke paalon par rona hai tumhe Khwahar
Har eik ka maidaN se laasha mujhe laana hai
Shabbeer ki haalat par khooN dil ka bahana hai

Zainab ne kaha Bhaiyya lillaha dua maaNgo.
Mar jaaon agar mujhko gham sab ka uṭhana hai
Shabbeer ki haalat par khooN dil ka bahana hai

Shabbeer ne faramaya insaaf karo Zainab
Jo maine sahe sadme kuchh unkaa thikaana hai
Shabbeer ki haalat par khooN dil ka bahana hai

Yeh kar ke iraada maiN aayaa tha Madeene se,
Ghar-baar luṭana hain jangal ko basaana hai
Shabbeer ki haalat par khooN dil ka bahana hai

Is dasht ko saupun ga Gulzaar e Mohammad maiN
Aur shimr ke khanjar se sar Apna ka ṭaana hai
Shabbeer ki haalat par khooN dil ka bahana hai

Itni hai kahaN mohlat jo sab ki bane QabreN
Haan eik lahad mujhko Asghar ki banaana ha i
Shabbeer ki haalat par khooN dil ka bahana hai

Yeh kah ke uṭhe Hazrat nazdeek se Zainab ke
Jaata hun Khuda-haafiz ab sabr dikhana hai
Shabbeer ki haalat par khooN dil ka bahana hai

Phal barchi ka seene meiN utra hai Nikaloo who
Akbar ko kaleje se gar Tumko lagaana hai
Shabbeer ki haalat par khooN dil ka bahana hai

Hashim* karo maatam ab sar peeṭ ke majlis meiN
Bekas ki, Musaafir ki haalat jo sunaana hai
Shabbeer ki haalat par khooN dil ka bahana hai