Jab Sakeena ne ro ke kaha, Ai Phupi ab Madine Chalo
Ab Madine chalo, Ab Madine chalo, Ab Madine chalo
Karbala aa ke ghar lut gaya, Ai Phupi ab Madine chalo
Ab Madine chalo…

Ham idhar apne ghar jaayen ge, pyaas ke zakhm bhar jaayen ge
Gham ki mil jaye gi kuch dawa, Ai Phupi ab Madine chalo
Ab Madine chalo…

Bhai Akbar na Qasim rahe, Mere Ammu na Asghar rahe
Chin chuka zindigi ka mazaa, Ai Phupi ab Madine chalo
Ab Madine chalo…

Goshware bhi chhene gaye, aur tamache bhi mare gaye
Sah liya har sitam sah liya, Ai Phupi ab Madine chalo
Ab Madine chalo…

Deed ke phool khil jayenge, Saath ke log mil jayen ge
Kuch to araam mil jayega, Ai Phupi ab Madine chalo
Ab Madine chalo…

Ja ke Dadi ko dekheN ge hum, Apni Baji se mil leiN ge Hum
DekhteN hoNge sab raasta, Ai Phupi ab Madine chalo
Ab Madine chalo…

Har musibat hai seena sipar, lag raha hai aseeri se darr
Ho na jayeN kahin be rida, Ai Phupi ab Madine chalo
Ab Madine chalo…

Ho gaye qaid Ahl e Haram, Badh gaye aur dard o alam
Qafila bas yeh sunta raha, Ai Phupi ab Madine chalo
Ab Madine chalo…

Maar dale ga dard e jigar, Saas ruk jaye kab kya khabar
Qaidkhana hai ghar maut ka, Ai Phupi ab Madine chalo
Ab Madine chalo…

God jangal se veeran hai, maut ka meri imkaan hai
Ro rahiN haiN meri Walida, Ai Phupi ab Madine chalo
Ab Madine chalo…

Pyaas ki talqiyaN haiN bohut, Maut ki hichkiyaN hain bohut
Ab mera dam nikal jayega, Ai Phupi ab Madine chalo
Ab Madine chalo…

Eik ye hasrat na poori hui, Mar gayi Shah ki laadli
Phir na Ishrat* yeh goonji sada, Ai Phupi ab Madine chalo
Ab Madine chalo…