Ashoor Ke Din Ali Asghar Ko Maa Ro Ro Kar Samjhati Hai
Tujhe Aakhri Jang Ladna Hai
Tujhe Laaj Meri Rakhna Hai
Tujhe Baba Sang Jana Hai
Tujhe Aakhri Jang Ladna Hai.

Iss Din Ke Liye Hi Maa Teri Tujhe Karb-o-Bala Mein Layi Thi.
Iss Din Ke Liye Hi Beta
Tujhe Naaz Se Maa Ne Pala
Tujhe Aakhri Jang Ladna Hai.

Tu Maa Ka Raaj Dulara Hai Tu Sab Ki Aankh Ka Tara Hai.
Tu Shair-e-Khuda Ka Pota
Tera Naam Ali Hai Beta
Tujhe Aakhri Jang Ladna Hai.

Aa Lal Tere Kapde Badlon Maqtal Ke Liye Tayyar Karoon
Aa Chehra Choomu Tera
Jee Bhar Ke Dekh Loon Beta
Tujhe Aakhri Jang Ladna Hai.

Kabhi Gaud Mein Zainab Leti Hai Kabhi Pyar Sakina Karti hai
Khaimon Mein Shoor Hai Barpa
Tu Sab Ki Dua Leta Ja
Tujhe Aakhri Jang Ladna Hai.

Maidaan Mein Ali Ban Kar Jana Baba Ki Nusrat Farmana
Shabeer Ka Tu Hai Beta
Abbas Chacha Hai Tera
Tujhe Aakhri Jang Ladna Hai.

Har Maa Ne Di Qurbani Hai Tujhe Meri Laaj Nibhani Hai
Jab Zalim Teer Chalaye
Baba Ko Na Lagne Paye
Tujhe Aakhri Jang Ladna Hai.

Ashoor Ke Din Ali Asghar Ko Maa Ro Ro Kar Samjhati Hai
Tujhe Aakhri Jang Ladna Hai
Tujhe Laaj Meri Rakhna Hai
Tujhe Baba Sang Jana Hai
Tujhe Aakhri Jang Ladna Hai.