haq hai Ali ke saath, Ali hai Nabi ke saath
ye jiske saath hai, hai Khuda bhi unhi ke saath
haq hai Ali ke saath, Ali hai Nabi ke saath

koi Ali ke koi hai ghaire Ali ke saath
momin kisi ke saath munafiq kisi ke saath
haq hai Ali ke saath, Ali hai Nabi ke saath

roza namaaz haj o ziaraat sab khubool
lekin ye shart hai ke ho hubbe Ali ke saath
haq hai Ali ke saath, Ali hai Nabi ke saath

Salman e Ahlebayt koi bhi na ban saka
yun tha sabhi ka baithna uthna Nabi ke saath
haq hai Ali ke saath, Ali hai Nabi ke saath

aaye hai hum jahan may baraye ghame Hussain
ye dard to mila hai hame zindagi ke saath
haq hai Ali ke saath, Ali hai Nabi ke saath

qurbaan karke hum ne zamane ki har khushi
apnaya hai Hussain ke gham ko khushi ke saath
haq hai Ali ke saath, Ali ha i Nabi ke saath

qayam hai deen farshe aza e Hussain se
ye baat sochna kabhi sanjeedgi ke saath
haq hai Ali ke saath, Ali hai Nabi ke saath

Bete ke dil se kyanch rahe hai sina Hussain
ya rab nikal na aaye kaleja ani ke saath
haq hai Ali ke saath, Ali hai Nabi ke saath