Ali Ka Zikr Mohammad ka naam Baqi hai
Hussain tumse Khuda ka kalaam baqi hai.

Mitane wale Imamat ke mit gaye lekin,
Khuda ke fazl se ab bhi Imaam baqi hai
Ali Ka Zikr Mohammad ka naam Baqi hai

Ali ke laal ka duniya me naam baqi hai.
Yazeed mitgaya zikre anaam baqi hai.
Ali Ka Zikr Mohammad ka naam Baqi hai

Mitaye laakh zamana mitenge hum kaise.
Hamare sar pe hamara imam baqi hai.
Ali Ka Zikr Mohammad ka naam Baqi hai

Hamara unse kabhi faisla nhi hoga.
Yazeed Mar gya kuch rishtedar baqi hain
Ali Ka Zikr Mohammad ka naam Baqi hai

Woh aur honge yateemane mazhabo millat.
Hamare sar pe hamara imaam baqi hai
Ali Ka Zikr Mohammad ka naam Baqi hai

Qareeb jhoole ke akar ye roke bole hussain.
Abhi shahido’n me asghar ka naam baqi hai.
Ali Ka Zikr Mohammad ka naam Baqi hai

Zara ay maut taherja kaha ye Akbar ne.
Zaeef baap ka thoda sa kaam baqi hai.
Ali Ka Zikr Mohammad ka naam Baqi hai

Ba waqte aqari zaineb se roke bole hussain.
Tumhare waste darbaare shaam baqi hai.
Ali Ka Zikr Mohammad ka naam Baqi hai

Mujeeb* ko bhi bulayenge apne rauze par.
isi ummid me abtak ghulaam baqi hai.
Ali Ka Zikr Mohammad ka naam Baqi hai